Салих авылы тамашачысы зур концерт карады

Бүген Салих авыл клубында Әниләр көне һәм физик мөмкинлекләре чикләнгәннәр декадасы башлану уңаеннан зур концерт күрсәтелде.

Салих авыл клубының кечкенә генә тамаша залына концертлар бик еш килми. Шунлыктан, авыл кешеләре мондый чараларны, бәйрәм көннәрен зарыгып көтә.  Ике сәгатьлек концерт бер сулышта узды. Клуб мөдире

Тәслия Галеева үзе дә артистларга кушылып, матур җырларын башкарды. Район халкы үз иткән, яратып тыңлаган “Асылъяр» ансамбле, Йолдыз Шакирова, Саҗидә Әхмәтҗанова, баянчы һәм җырчы Зәйтүн Муллаянов,  Сәгыйть Әхмәтҗанов, Римма Яруллина һәм яшь талантлы җырчы егетебез Ленар Солтановның чыгышлары халык күңеленә хуш килде.